Categories
HOME

Gjermani-Spanjë: Shtysë e re për gazsjellësin e Pireneve

Berlini dhe Madridi duan të vazhdojë ndërtimi i gazsjellësit MidCat, kurse Franca bën rezistencë. Përfundimi i gazsjellësit një ndër temat kryesore në takimin gjermano-spanjoll të nivelit të lartë.

Gjermania dhe Spanja nuk heqin dorë. Qeveritë e të dy vendeve po rrisin presionin për të bindur Francën, se mbarimi i ndërtimit të një gazsjellësi europian Jug- Veri që kalon nëpër Pirene është me rëndësi.

Deri tani presidenti francez Emmanuel Macron e ka kundërshtuar projektin duke thënë, se nuk ia vlen si ekonomikisht ashtu dhe nga pikëpamja e politikës së mjedisit. Gazsjellësi 300 kilometra i gjatë, ndërtimi i të cilit është pezulluar më 2019, do të transportonte në Europën Qendrore gazin e shumtë të impianteve spanjolle të gazit.

“Gazsjellësi do të kontribuonte shumë për qetësimin e gjendjes në furnizimin me gaz,” thotë kancelari gjerman Olaf Scholz, kur kërkon vazhdimin e ndërtimit të gazsjellësit. “Berlini dhe Spanja janë të një mendimi, se ne kemi nevojë për më shumë rrjete europiane energjie, qoftë për gazin, qoftë për rrymën,” theksojnë edhe diplomatët e Madridit.

Gazsjellësi Midcat ishte në qendër të axhendës së takimit të nivelit të lartë qeveritar gjermano- spanjoll të mërkurën (5.10) në qytetin spanjoll, A Coruñ buzë Atlantikut. Jo shumë larg qytetit, në portin Mugardos, ndodhet një nga gjashtë terminalet e gazit që ka Spanja, – ndërkohë që Gjermania nuk ka pasur deri tani asnjë.

Në këtë terminal janë lidhur cisternat gjigande të mbushura me gaz të lëngshëm, që në rastin e Spanjës vijnë kryesisht nga SHBA, Algjeria dhe Nigeria. Në impiante gazi i lëngshëm, që anglisht quhet “liquefied natural gas”, shkurtimisht edhe LNG, kthehet sërish në gaz.

Në vitin 2023 Spanja do të nisë punën në një nga terminalet e gazit në portin e Atlantikut, në qytetin spanjollo-verior të Gijónit. Sipas të dhënave të operatorit Enagas, vetëm në Gijón mund të përpunohen çdo vit 100 cisterna, ngarkesa me LNG e të cilave i përgjigjet tetë miliardë metrave kubikë gazi natyror – pothuajse 15 përqind e sasisë, që vinte më parë në Gjermani nga Rusia me gazsjellësin Nordstream 1.

Gati një e treta e terminaleve LNG të Europës ndodhet në Spanjë

“Ne zotërojmë infrastrukturën më të madhe të gazit të lëngshëm në Europë,” thotë krenar kryeministri spanjoll, Pedro Sánchez. Spanja ka 30 për qind të gjithë kapaciteteve që ndodhen brenda BE-së.

Spanja i ofron Gjermanisë dhe gjithë vendeve të tjera europiane që kanë probleme në furnizimin me gaz, që të përdorin këto kapacitete, sepse impiantet spanjolle nuk shfrytëzohen sa duhet.

“Ne duam të kontribuojmë në rritjen e sigurisë së Europës për t’u furnizuar me gaz,” thotë ministrja spanjolle e Energjisë, Teresa Ribera. Kryeministri Sánchez, mendon madje që ta kthejë vendin e tij në portën europiane për LNG: “Spanja ka shansin të kthehet në treg eksportues të gazit të lëngshëm duke u kthyer në mundësi për të zëvendësuar gazin rus për shumë vende të BE-së.”

Kjo tingëllon joshëse. Por në praktikë ka disa probleme për të zgjidhur. Për shembull: Si do të vinte gazi nga terminalet spanjolle në Europën Qendrore? Sepse që me largimin e Francës, planet për ndërtimin e plotë të gazsjellësit Jug – Veri nga Spanja në Francë dhe lidhjen e tij me rrjetet europiane të gazit, kanë përparuar pak.

Macron vazhdon të jetë skeptik

“Ne nuk kemi nevojë për lidhje të tjera gazi,” tha presidenti francez Macron, pas një bisede me kancelarin gjerman Scholz në muajin shtator.

Dy gazsjellës të vegjël, që ekzistojnë tashmë midis Spanjës dhe Francës nuk janë shfrytëzuar as tani, muaj të tërë pas shpërthimit të luftës ruse kundër Ukrainës dhe mungesës së gazit që pasoi prej saj. Përveç kësaj, do të zgjaste kohë deri sa të përfundonte ndërtimi i gazsjellësit të ri që do të kalonte nëpër Pirene.

Shkurtimisht: Ideja, se MidCat mund të zgjidhte në një kohë të shkurtër problemet aktuale që ka Europa me furnizimin me gaz, është “krejtësisht e gabuar”, deklaroi Macron.

“Unë nuk e kuptoj, pse duhet t’i vijmë vërdallë kësaj teme, si dhitë e Pireneve.” Megjithatë Macron tregon gatishmëri për të zhvilluar dialog. As kancelari gjerman Scholz, as kryeministri spanjoll Sánchez nuk kanë qenë në gjendje deri tani ta bindin Macronin për MidCat-in. Por, nëse do të ketë argumente të reja, ai është i gatshëm të rimendojë pikëpamjen e tij.

Pra dera për të arritur një marrëveshje nuk është mbyllur krejt. Ose siç thotë ministrja spanjolle e Energjisë, Ribera: “MidCat nuk është varrosur.” Me interes pritet të shihet, se cilat janë argumentet që do të përdorë Berlini dhe Madridi për të kapërcyer pengesat e ngritura nga Parisi.

Perspektiva e hidrogjenit të lëngshëm për të marrë para nga Brukseli

Mbase me argumentin që po përdoret gjithnjë e më shumë, se ndërtimi i MidCat mund të jetë me përfitim pavarësisht nga gazi? Për shembull për të ardhmen ekologjike të gasjellësit, duke mos transportuar nëpër tuba lëndë djegëse fosile, por hidrogjen të lëngshëm – perspektiva e hidrogjenit të lëngshëm mund ta lehtësonte me subvencione të BE-së projektin miliardash të MidCatit.

Ose me idenë që është duke u thënë me zë të lartë në Madrid, se në rast nevoje në vend të Francës lidhja mund të vendosej me fqinjin mesdhetar, Italinë.

Ndërtimi i MidCatit, nga Martirelli spanjolloverior në Barbairan francezojugore, 300 kilometra i gjatë, ka filluar që në vitin 2013. Inxhinierët kanë shtruar 86 kilometra tuba në anën spanjolle. Pastaj u ndalua ndërtimi në vitin 2019, sepse Parisi por edhe Madridi dhe Brukseli filluan të kenë dyshime për efikasitetin ekonomik të tij, derisa lufta në Ukrainë e solli projektin e ngrirë sërish në rendin e ditës./ Deutsche Welle

Categories
HOME

Toka, biznese e makina/ Sekuestrohen pasuri me vlerë 3.5 milionë euro të 46-vjeçarit në Elbasan (Emri+Pamjet)

Pasuri me vlerë 3.5 milionë euro janë sekuestruar sot në Elbasan të cilat dyshohet se rrjedhin nga veprimtaritë kriminale të 46-vjeçarit Albert Topuzi.

Topuzi dyshohet për veprën penale “Pastrimi i produkteve të veprës penale ose veprimtarive kriminale”, pasi më parë ka qenë i arrestuar në Itali, për veprën penale “Shfrytëzimi i prostitucionit”, në rrethana rënduese.

Konkretisht janë sekuestruar një ndërtesë trekatëshe, një ndërtesë dykatëshe, 3 apartamente, disa automjete të llojeve të ndryshme, 4 sipërfaqe ndërtimi dhe një biznes me objekt prodhimin e betonit.

Gjykata e Shkallës së Parë Elbasan pranoi kërkesën e Prokurorisë së Rrethit Gjyqësor Elbasan dhe vendosi masën e sigurimit “Sekuestros preventive” mbi objektet:

1. Pasuria nr.22/25 trual + ndërtesë 2 kate (godinë shërbimi), përfituar me leje legalizimi në vitin 2013;

2. Pasuria nr.429/11 vol 19 faqe 92, ZK 8526 e llojit truall që disponohet nga shtetasi A.T;

3. Pasuria nr. 4/611+1-29 vol 23 faqe 20, Zk 8524, sipërfaqe 109 m2, vlera 5,354,080 lekë përfituar me kontratë shitblerje në datë 22.08.2012;

4. Pasuria 22/23 ZK 8526, godinë banimi 1 kat, përfituar me leje legalizimi në vitin 2013;

5. Pasuria nr.429/13 vol 19 faqe 94, ZK 8526 e llojit truall që disponohet nga shtetasi G.T;

6. Pasuria nr.5/289 ZK 8524, e llojit ndërtese 3 kate + bodrum + nënçati, me sipërfaqe 241,8 m2 truall, nga kjo ndërtesë : kati përdhe sip.153,8 m2, kati bodrumit me sip 151.4 m2, kati i parë me sip 164.5 m2, kati dytë me sip 164.5m2, sip. e nënçatisë 140+24.1 m2;

7. Pasuri nr.22/24 ZK 8526, godinë banimi 1 kat 60 m2, përfituar me leje legalizmi në vitin 2013;

8. Pasuria nr.429/12 vol 19 faqe 93, ZK 8526 e llojit truall;

9. Pasuria nr.5/149+1-21, vol 6 faqe, 136 ZK 8524 e llojit apartament në bashkëpronësi mes G.T dhe A.T, përfituar nga privatizimi që disponohen nga shtetasi B.T;

10. Automjetet me targë AA 3.. CD, AV 2.., AA 1.. YN, AA 4.. DA në pronësi të shtetasit B.T; dhe

11. Automjeti me targë automjetin me targë AA 6.. RM në pronësi të shtetasit G.T.

Operacioni policor i koduar “Fasada” u zhvillua nga Sektori për Hetimin e Krimit Ekonomik dhe Financiar në DVP Elbasan, në bashkëpunim me Prokurorinë pranë Gjykatës së Shkallës së Parë Elbasan.

Nën drejtimin e Prokurorisë po vijon puna për të zbuluar asete të tjera të përfituara në mënyrë të jashtëligjshme, që ky shtetas dhe familjarët e tij mund t’i kenë regjistruar në emër të personave të tjerë.

Materialet i kaluan Prokurorisë pranë Gjykatës së Rrethit Gjyqësor Elbasan, për veprime të mëtejshme.Top Channel

Categories
HOME

Nënë në moshën 48-vjeçare, aktorja ndan lajmin e ëmbël

Aktorja e njohur Hilary Swank ka zbuluar së fundmi se është shtatzënë me binjakë.

48-vjeçarja tha për “Good Morning America” se: Kjo është diçka që unë e kam dashur prej kohësh, do të bëhem nënë dhe jo vetëm me një, por me dy.

Fituesja e Oscarit vazhdoi duke thënë se nuk mund ta besonte këtë gjë. Swank ka treguar për planet e saj për fëmijë ndër vite. Ajo u shpreh për People në vitin 2006 se: Unë patjetër do të doja fëmijë një ditë. Kjo është padyshim diçka për të cilën kam menduar gjithmonë si një vajzë shumë e re.

Aktorja ishte i martuar me Chad Lowe në atë kohë, por u divorcua nga aktori. Tani ajo është e martuar me producentin Philip Schneider. Swank dhe producenti u martuan në gusht 2018 pas dy vitesh lidhje.Top Channel

Categories
HOME

Zgjedhjet lokale/ Balla pas takimit në Presidencë: Jemi të gatshëm të marrim pjesë në çdo datë që vendoset dhe të fitojmë!

Kryetari i Grupit Parlamentar të Partisë Socialiste takoi këtë të enjte në mëngjes kreun e shtetit, Bajrma Begaj në selinë e Presidencës, për të diskutuar mbi datën e zgjedhjeve lokale.

Pas takimit, ne një deklaratë për mediet, Balla tha se PS nuk ka propozuar një datë konkrete, pasi është e gatshme të marrë pjesë në zgjedhje, në çdo datë që cakton Presidenti brenda afatit ligjor. Balla shprehet i bindur se e majta do të jenë fituese e këtyre zgjedhjeve.

“Zgjedhjet do të zhvillohen brenda afatit, duke marrë në vlerësim dhe ndonjë festë zyrtare. Ne nuk kemi qenë të prerë në një propozim tonin, besojmë që Presidenti duhet të marrë në konsideratë të gjitha propozimet. Jemi të gatshëm të marrim pjesë në zgjedhje dhe t’i fitojmë në çdo datë që caktohet”.

Sipas kodit zgjedhor, data e zgjedhjeve mund të mbahen në periudhën nga 15 prilli deri më 15 maj. Por me gjasa data që pritet të shpallë Presidentin Begaj për zgjedhjet e reja lokale do të jetë e diela e 14 majit të vitit që vjen.Top Channel

Categories
HOME

Bora u rikthye me Donaldin, ky është komenti i Semit

Semi Japuaj tashmë është e lumtur që mikja e saj, Bora Zemani është ribashkuar me Donald Veshajn.

Në “Më lër të flas”, aktori i humorit tregoi se pasi la shtëpinë e “Big Brother VIP”, kontaktoi Semin dhe i kërkoi ndihmë për t’u rikthyer me moderatoren.

“Takova 4-5 herë Semin. Shumë e lodhshme, o Zot i madh sa më ka lodhur. Shumë punë, derisa tha shkruaji vet se më plase”, rrëfeu Donaldi.

Ndërkohë, e pyetur në “Goca dhe Gra”, Semi tha se tashmë çdo gjë i përket çiftit dhe ajo nuk do të komentojë më situatën e tyre.

“Nuk dua ta flas më këtë gjë. Thash që është gjë shumë personale dhe çfarë u takon atyre, u takon atyre për të folur dhe jo mua më”, tha këngëtarja.

Bora dhe Donladi konfirmuar se janë sërish në një romancë, pas disa muajsh që qëndruan larg njëri-tjetrit.

Categories
HOME

Ndërtimtaria në Gjermani paralizohet pa punëtorët e Ballkanit

Kreu i zejtarisë gjermane, Hans Peter Wollseifer kërkon viza më të shpejta për punëtorët nga Ballkani. Pa ta nuk do të ngrihej asnjë ndërtesë betoni më në Gjermani.

Politika nuk e ka arritur qëllimin për lehtësimin e tregut të punës, ka kritikuar presidenti i Shoqatës Qendrore të Zejtarisë Gjermane, Hans Peter Wollseifer.

“Kur njerëzit nga Ballkani duan të vijnë në Gjermani, kjo mund të zgjasë me vite derisa ata të marrin një vizë.” Por pikërisht këta njerëz nga Ballkani na duhen urgjentisht sidomos në fushën e ndërtimit, ka theksuar Wollseifer.

Dihet se sektori i ndërtimit ka mjaft vështirësi për shkak të mungesës punëtorëve gjermane. “Pa punëtorët hekurpunues nga Ballkani në ndërtim nuk do të ngrihej më asnjë ndërtesë betoni në Gjermani”, sipas kreut të zejtarisë gjermane.

Wollseifer ka kritikuar autoritetet gjermane të dhënies së vizave për mënyrën e veprimit në dhënien e vizës për migrantët e punës. “Zyrat e të huajve veprojnë shumë shpesh si autoritete të mospranimit të të huajve.

Por ato duhet të jenë qendra të mirëseardhjes. Këtë frymë për fat të keq e përjetojnë shumë pak zyra”, tha ai për gazetat gjermane të Mediengruppe Bayern në fundjavë.

“Ne kemi nevojë për fuqi të huaj punëtore nga jashtë. Për fat të keq që nga hyrja në fuqi e ligjit të fuqisë së kualifikuar punëtore para tre vitesh vijnë më pak punëtorë se sa kishim menduar ne”, ka theksuar Wollseifer. Corona ka luajtur rol në trendin e ardhjes së punëtorëve nga jashtë, por ende nuk është lehtësuar sa duhet tregu i punës./ Deutsche Welle

Categories
HOME

Avokado, Pema e Re Frutore e Parcelave Shqiptare

Mbjellja e pemës së avokados në ambientet e jashtme po kthehet në një kulturë të mirëfilltë për kopshtarët e Shqipërisë.
Avokado është një burim i shkëlqyer vitaminash dhe ushqyesish. Popullariteti i tij në rritje dhe përdorimi i gjërë në vendet me klimë të ngrohtë e kanë transformuar avokadon në një produkt që nuk duhet të mungojë në kuzhinën tuaj.

Mbjellja e pemës së avokados në ambientet e jashtme po kthehet në një kulturë të mirëfilltë për kopshtarët e Shqipërisë.

Kjo, sepse bima e avokados preferon temperaturat e ngrohta dhe ka një ndjeshmëri të lartë ndaj ngricave.

Edhe nëse jetoni në zonat e ftohta të vendit, AgroWeb.org do t’ju mësojë se si ta mbillni e rrisni avokadon në kushtet e shtëpisë (në qytet ose në fshat) dhe të korrni prej saj përfitimet më të mira shëndetsore që një frut mund t’ju japë.

AgroWeb.org ka inspektuar më shumë se 3 parcela eksperimentalë me avokado në zonën e Vlorës, por edhe në Tiranë.

Bëhet fjalë për kultivues që janë të apasionuar pas avokados. Ata kanë vendosur ta rrisin atë për përdorim personal duke treguar se ky frut mund të rritet mjaft mirë në Shqipëri, sidomos në zona të mbrojtura.

Kushtet Klimatike
Temperatura e ngrohtë e ambientit, ndriçimi i diellit dhe përkujdesja e duhur janë thelbësore nëse dëshironi të rrisni avokadon në shtëpi.

Rritja e saj është një mënyrë mjaft e mirë prezantimi me këtë frut organik për ju dhe familjen tuaj.

Pema e avokados ka madhësi të ndryshme, nga më të voglat deri në më shtatlartat. Pemët kanë degë të brishta. Ato mund të dëmtohen lehtë nga era dhe e gjithë bima është mjaft e ndjeshme ndaj të ftohtit.

Gjethet e trasha me lulet perfekte ngjyrë të bardhë, të fildishtë ose të verdhë ofrojnë një pejsazh të bukur për sytë dhe mendjen.

Frutat me bërthamë të madhe kanë një lëkurë të gjelbër ose thuajse të zezë.

Fidanët e avokadove gjenden në fidanishte apo në pikat e tregtimit të drurëve frutorë, të cilat punojnë edhe me porosi të veçanta.

Si të mbillni pemën e avokados
Përzgjidhni një vend të ndriçuar mirë dhe të kulluar mirë. Vendndodhja duhet të jetë në anën jugore të shtëpisë ose në një serë të ndërtuar posaçërisht për ta mbrojtur atë nga era dhe ngrica.

Jini bujarë me plehun organik dhe mbajeni dheun të ushqyer mirë. Ofrojini avokados një tokë të kulluar mirë pse përdorni rërë dhe guralecë për ta përmirësuar kullimin.

Sigurohuni që avokadoja do të ketë hapësirën e nevojshme 3-4 metra larg ndërtesës dhe 10 metra larg pemëve të tjera.

Nëse preferoni mund të zgjidhni një pemë shtatshkurtër në pikat e shitjes ose fidanë të gatshëm.

Mbjellja e duhur është gjysma e punës por nuk mbaron me kaq. Ju duhet të siguroni ujitje të vazhdueshme e të plotë deri sa bima të lulëzojë plotësisht.

Fertilizimi i plotë nga Shkurti në Shtator i sjell mjaft të mira bimës. Përdorni sulfat amoniumi gjatë kësaj periudhe.

Në vitin e parë të mbjelljes ushqejeni bimën me gjysëm filxhani me sulfat dhe më pas rriteni dozën në një filxhan të plotë.

Kur pema të ketë mbushur dy vjeç, ju mund të hidhni deri në dy filxhanë çdo muaj.

Pema e avokados nuk ka nevojë të krasitet, përveç se në rastet kur duhet të hiqni degët e thata.

Nëse dëshironi ju mund ta krasisni avokadon por vetëm për të ruajtur masën e saj. Avokado është një pemë që kërkon durim sepse frutat e parë mund t’i prisni vetëm pas disa vitesh./AgroWeb.org

Categories
HOME

Si të Përgatisni Shurupin e Shijshëm të Ftoit

Ftoi është një frut kokëfortë, por ama i ëmbël shumë.

Në Shqipëri, ftoi është kultivuar që në kohët e lashta dhe gjendet me bollëk në zonat e Përmetit, Korçës, Pogradecit dhe Beratit, por edhe në zonat qendrore të vendit.

Ftoi është një frut pak i pazakontë, i lidhur ngushtë me mollët dhe dardhët.

Ai është përdorur për ushqim që shumë kohë më parë, por pemët e vogla janë rritur edhe për motive dekorimi për shkak të luleve të vogla ngjyrë rozë që janë shumë tërheqëse.

Ftoi është një frut që nuk të shpenzon shumë kohë nëse do ta konsumosh menjëherë.

Ai është shumë i shijshëm dhe shumë i rëndësishëm për shëndetin e njeriut. Ftoi është një burim i pasur me vitaminë C, kalium, bakër, hekur dhe fibër.

Ftoi gjithashtu përmban elementë organikë dhe ushqimorë që ia shumëfishojnë vlerat shëndetësore atij. Amvisat shqiptare e përdorin për reçel, ëmbëlsira, puding, gliko, por edhe në mënyra të ngjashme me dardhën.

Ekspertët e AgroWeb.org këshillojnë që amvisat ta përdorin ftoin edhe për përgatitjen e një shurupi të shijshëm e të shëndetshëm.

Përbërësit:

1 kg ftonj të qëruar e të prerë në copa

5 gota ujë

Gjysëm filxhan çaji mjaltë,

Gjysëm filxhan çaji sheqer.

Përgatitja:
Vendoseni tenxheren në zjarr dhe hidhni ftonjtë, ujin, mjaltin dhe sheqerin.

Lërini të ziejnë në temperaturë të lartë dhe përzijini vazhdimisht deri sa sheqeri të shkrihet plotësisht.

Mbulojeni tenxheren me kapak, uleni temperaturën dhe lërini ftonjtë të ziejnë për 45-50 minuta deri sa ata të jenë zbutur krejt.

Më pas hiqeni tenxheren nga zjarri dhe pasi lëngu të jetë ftohur kullojeni shurupin.

Nga sasia e zier e lëngut do të përfitoni pothuajse dy filxhanë çaji shurup.

Ftonjtë e zier mund t’i përdorni për ëmbëlsira sipas preferencës tuaj.

Vlerat e Mrekullueshme të Ftonjve
Ftonjtë nuk duhet të mungojnë në tryezën tuaj për shkak të vlerave të mëposhtme

Ndihmon Kundër Mbipeshës
Ftoi ka pak kalori, kripë dhe yndyrna.

Nga ana tjetër është i mbushur me fibra dhe vitaminë C.

Një sasi prej 100 gramë ftonj ofron 15% të dozës së rekomanduar ditore të kësaj vitamine.

Lufton Bakteret

Shfrytëzoni farat e ftoit. Zijini në ujë, kullojini dhe lëjeni lëngun të ftohet.

Përdorini për të luftuar erën e keqe të gojës, shëruar fytin dhe lëndimet e ndryshme në gojë.

Lëngun mund ta përdorni edhe direkt në lëkurë për ta bërë atë më të lëmuar dhe shëruar njollat.

Ftoi Për Tretjen.
Ftoi mund të ndihmojë në shërimin e ulçerës peptike.

Për shkak të përmbajtjes së lartë të fibrës, ftoi u bën mirë zorrëve dhe parandalon diarenë.

Ftoi Për Zemrën
Ftoi përmban kalium, një mineral që mbron zemrën.

Ky mineral forcon enët e gjakut dhe ndihmon në uljen e tensionit të tij. /AgroWeb.org

Categories
HOME

Lista me Ushqimet më të Mira për Shëndetin e Syve

Njerëzit e lidhin shëndetin e syve me plakjen e paevitueshme.

Në të vërtetë, një regjim i shëndetshëm ushqimor mundet të pakësojë rrezikun e sëmundjeve të syve.

Një studim i vitit 2001 mbi sëmundjet e syve si pasojë e moshës, zbuloi se një sërë ushqyes si: zinku, bakri, vitamina C, vitamina E dhe beta karoteni, munden të përmirësojnë shëndetin e syve me 25%.

Studimi u përditësua edhe në vitin 2013 dhe arriti në konkluzionin se acidet yndyrore omega- 3, beta karoteni, luteina dhe antioksidantë të tjerë janë thelbësorë për shëndetin e syve.

Në këtë artikull të AgroWeb.org do të mësoni për 10 ushqimet më të mira dhe të nevojshme për shëndetin e syve.

Peshku
Shumë lloje peshqish janë burime të larmishme të acideve yndyrore omega-3. Megjithatë, peshqit më të pasur me këto acide yndyrore janë toni, salmoni, trofta, sardelet, skumbria

Shumë studime kanë zbuluar se vaji i peshkut është efikas kundër përtharjes së syve, sidomos asaj të shkaktuar nga të qëndruarit përpara kompjuterit.

Arrorët Dhe Bishtajoret
Arrorët janë gjithashtu të pasur me acide yndyrore omega-3.

Sipas të dhënave të AgroWeb.org arrorët përmbajnë edhe shumë vitaminë E që mbron sytë nga dëmet e vazhdueshme prej moshës.

Konsumoni më shumë arra, shqeme, kikirikë dhe bishtajore si fasule, thjerëza etj.

Farat
Njësoj si arrorët dhe bishtajoret, edhe farat janë të pasura me omega-3 dhe një burim i shkëlqyer i vitaminës E.

Zgjidhni farat chia, farat e linit për të mirëmbajtur shëndetin e syve.

Agrumet
Agrumet janë shumë të pasura me vitaminë C, një antioksidant i rekomanduar kundër sëmundjeve të syve.

AgroWeb.org ju këshillon të konsumoni më shumë limonë, portokalle, qitro për të marrë sa më shumë vitaminë C.

Barishtet
Barishtet si spinaqi janë të pasura me shumë antioksidantë dhe vitaminë C.

Ato duhen konsumuar rregullisht.

Karrotat
Karrotat janë të pasura me beta karoten dhe vitaiminë A e cila luan një rol thelbësor në shikimin tuaj.

Patatja e Ëmbël
Ashtu si karrotat edhe patatja e ëmbël përmban beta karoten por edhe vitaminë E.

Panxhari
Panxhari është i pasur me zink, që luan një rol mirëmbajtës për shëndetin e syve.

Sipas të dhënave të AgroWeb.org zinku ndihmon në ruajtjen e shikimit pavarësisht moshës dhe parandalon formimin e perdes së syrit.

Vezët
Vezët janë një burim i shkëlqyer antioksidantësh që mbrojnë shikimin.

Ato përmban zink, vitaminë C dhe E.

Uji
Uji është thelbësor për shëndetin e syve.

Duhet të pini shumë ujë që të parandaloni hidratimin dhe përtharjen e syve./AgroWeb.org

Categories
HOME

Horoskopi për sot: Dita do të bëhet më emocionuese, pasi do të merrni një telefonatë nga…

Dashi
Çështjet në frontin e familjes mund të jenë problematike. Neglizhimi i përgjegjësive tuaja familjare mund të shkaktojë zemërimin e një anëtari të familjes. Sot do të përjetoni emocione të forta në në jetën tuaj të dashurisë.

Demi
Kushtojini kohën e duhur familjes suaj. Dita do të bëhet më emocionuese pasi të merrni një telefonatë nga i dashuri/ e dashura juaj. Një problem në punë mund t’ju shqetësojë dhe mund të kaloni një pjesë të ditës duke menduar për këtë.

Binjakët
Dikush mund t’ju shqetësojë, por mos lejoni që kjo bezdi t’ju pushtojë. Shqetësimet dhe ankthet e panevojshme mund të jenë dëshpëruese dhe në fund mund të rezultojnë në probleme shëndetësore. Edhe pse shpenzimet tuaja mund të rriten sot, një rritje në të ardhurat tuaja do të bëjë që të mos e ndjeni këtë.

Gaforrja
Historia juaj e dashurisë mund të marrë një kthesë të re sot, pasi partneri/partneri juaj mund të diskutojë me ju perspektivën e martesës. Në këtë rast, duhet të merrni parasysh çdo aspekt përpara se të merrni ndonjë vendim. Do të kaloni një mbrëmje të qetë në shtëpi.

Luani
Ata që ende nuk i kanë marrë rrogat mund të fillojnë të shqetësohen për çështjet e parave dhe mund të jenë të prirur të kërkojnë hua. Një udhëtim i shkurtër për të vizituar një mik apo të afërm, do të jetë një pushim relaksues nga rutina e përditshme. Kujtimet romantike do të pushtojnë mendimet tuaja.

Virgjëresha
Puna krijuese do t’ju bëjë të ndiheni të relaksuar. Çështjet familjare mund të kërkojnë vëmendjen tuaj të menjëhershme. Do të ndjeni dashurinë e partnerit/partneres suaj rreth jush sot. Parashikohen përparime profesionale për disa persona të kësaj shenje.

Peshorja
Mbështetja e njerëzve rreth jush do t’ju sjellë një ndjenjë kënaqësie. Mos jini të çrregullt në sjelljen tuaj, veçanërisht me bashkëshortin, përndryshe mund të prishet qetësia në shtëpi. Mos u shqetësoni për atë që njerëzit e tjerë mendojnë ose perceptojnë për ju. Vetëm sigurohuni që të merrni vendimet e duhura dhe asgjë nuk do t’ju dalë.

Akrepi
Sot do të jeni plot energji. Miqtë do të jenë më mbështetës për idetë tuaja sesa e kishit pritur. Ata që janë të fejuar do ta shohin partnerin/partneren si burim lumturie të madhe. Sot, disa nga miqtë tuaj mund të vijnë në shtëpinë tuaj dhe të kalojnë kohë me ju.

Shigjetari
Edhe pse pozicioni juaj financiar do jetë i qëndrueshëm, një dalje e vazhdueshme e parave do t’ju pengojë të realizoni plane të reja. Shëndeti i bashkëshortit/bashkëshortes suaj mund t’ju shqetësojë dhe mund të ketë nevojë për kujdes mjekësor. Sot do të jeni në humor të mirë dhe do të shpërndani dashuri.

Bricjapi
Mund të ketë fitime financiare në mbrëmje, pasi paratë që mund të keni dhënë hua në të kaluarën, mund t’ju kthehen. Një ndryshim i papritur i humorit në jetën tuaj romantike, mund t’ju kapë në befasi. Disa nga synimet tuaja për ditën mund të mos realizohen për shkak të shëndetit të dobët të bashkëshortit/bashkëshortes suaj.

Ujori
Mënyra logjike e të menduarit të një shoku do t’ju inkurajojë të zgjidhni një problem. Për disa persona të kësaj shenje, njerëzit me të cilët jetoni mund të mos jenë aktualisht shumë të lumtur me ju, pavarësisht se çfarë bëni për t’i kënaqur ata. Jeta juaj bashkëshortore do të jetë në kulmin e saj.

Peshqit
Dikush me plane dhe ide të mëdha do të tërheqë vëmendjen tuaj. Një mik mund të kërkojë këshillën tuaj për të zgjidhur një problem personal. Sot do të rifreskoni një miqësi të vjetër duke kujtuar kujtime të mira.