Ka shumë simptoma që shoqërojnë plakjen si, për shembull, lodhja, por mund ta luftoni me shtriqjen, e cila gjithashtu do të përmirësojë fleksibilitetin dhe posturën tuaj, përshpejton qarkullimin e gjakut dhe ndihmon në reduktimin e stresit.

Me këto 8 ushtrime të thjeshta do të relaksoheni muskujt dhe do të përmirësoni mirëqenien tuaj:

1. Pozicioni i Garland-it

– Qëndroni drejt, këmbët të hapura sa gjerësia e ijeve. Bëni një përkulje të thellë përpara.

– Ngadalë mblidhuni, përkulni gjunjët. Ulini poshtë ijet sa më shumë që të jetë e mundur, duke e mbajtur shpinën drejt.

– Hapini këmbët si në figurën sipër, duke shtypur gjunjët me bërryla. Bashkojini pëllëmbët.

Merrni frymë mirë dhe thellë. Mbajeni këtë pozicion për 10-15 sekonda. Përsëriteni 2 herë.

Nëse nuk jeni në gjendje t’i mbani këmbët në dysheme, vendosni një peshqir të mbështjellë nën këmbët tuaja.

2. Rrotullimi

– Qëndroni drejt. Hapini krahët në anë. Me gishtërinjtë e bashkuar, pëllëmbët drejtojini për poshtë.

– Pa ndryshuar pozicionin e duarve tuaja, bëni një rrotullim të plotë në drejtim të akrepave të orës 3 herë.

Përsëritni të njëjtin veprim, duke u kthyer në krahun e kundërt.

3. Shtriqja e ijeve, tendinave dhe muskujve të këmbëve

– Vendoseni këmbën tuaj të majtë mbi një tavolinë ose sipërfaqe që është në lartësinë e gjurit tuaj.

– Përkulni gjurin e majtë dhe përkuluni në drejtim të tij, duke mbajtur shpinën dhe këmbën e djathtë drejt.

Mbajeni këtë pozicion për 10 sekonda dhe ndërroni këmbët.

– Pastaj, vendoseni thembrën e majtë në këtë sipërfaqe, duke i mbajtur të dy këmbët drejt.

– Shtrijeni prapanicën prapa jush dhe përkuluni përpara. Mbajeni pozicionin për 10 sekonda. Përsëriteni me këmbën e djathtë.

– Uluni, këmba juaj e djathtë është në tokë, kyçi i këmbës së majtë është në majë të gjurit tuaj të djathtë. Shtypni butësisht në gjurin tuaj të majtë dhe përkuluni përpara.

Mbajeni pozicionin për 10 sekonda. Ndërroni këmbët dhe përsëriteni ushtrimin.

4. “Vështrimi i yjeve”

– Uluni në gjunjë. Gishtërinjtë e këmbëve tuaja duhet të prekin dyshemenë. Pëllëmbët e duarve duhet të mbështeten në ije.

– Drejtoni shpinën dhe shtyjeni mjekrën drejt gjoksit. Përkulni kokën mbrapa dhe rrotulloni shpinën.

Përsëritni ushtrimin 3 herë.

5. Koka dhe këmbët lart

– Shtrihuni në shpinë. Duart shtrijini përgjatë trupit, pëllëmbët në dysheme. Ngrini kokën dhe prekni gjoksin me mjekrën tuaj.

– Pastaj ngrini këmbët lart. Pjesa e poshtme e shpinës nuk duhet të ngrihet nga dyshemeja.

Përsëriteni ushtrimin 3 herë.

6. Pozicioni i kundërt

– Uluni në vithe. Shtrijini këmbët para vetes. Drejtoni shpinën dhe vendosni krahët e drejtuar përgjatë bustit tuaj.

– Përkulni kokën tuaj përpara sa më shumë të jetë e mundur. Pastaj përkuleni prapa.

– Ngrini vithet, duke përkulur gjunjët. Mbështetuni në këmbët dhe pëllëmbët.

Mbajeni këtë pozicion për 5 sekonda. Përsëriteni 3 herë.

8. Pozicioni i bebes

– Uluni dhe përkulni gjunjët. Mbështillini krahët rreth gjunjëve, me mjekrën të mbështetur në gjoks dhe shpinën e rrumbullakosur.

Filloni të rrotulloheni përpara dhe prapa. Bëjeni ushtrimin për 30 sekonda.